Gamba nih den ambik maso lam perjalanan den ke ofis di Subang. Sobolum sampai susur masuk ko Toll Plaza Subang dari Damansara dah slow moving dan sosak madat ngan keto dan lori yang bagak-bagak. Mak ai...takuit den. Lori minyak, kontena, lori hantu, lori angkuit semuanyo godabak. Camnor nak di buek an?
Lotih den pagi-pagi sotiap hari dari Senin hinggo Jumaat asyik la ngadap sosak madat nih. Ni yang buat den hilang mood nak kojo. mano lai yang bawak keto asik la yang nalipon la, bawak lombap la, yang laju tolampau laju sampai den pun takuit. Ayoo jang oi, mano laie jalan den nak ikuit.lomah den dibuek nyo. Lotih den dok lam keto bejam-jam, mato pun ngantuk dibuek ee. Ontah la Kolumpo nih semuonyo sibuk...suko ati ekau la
timo kasih daun koladi di dalam baldi
ada maso den tulih laie pasal highway nih.
salam.
No comments:
Post a Comment